مساجلة شعرية

السلام عليكم
اشنونكم
هاي [ندعوك للتسجيل في المنتدى أو التعريف بنفسك لمعاينة هذا الرابط] بين شاعرين

اتمنى تعجبكم.......

عجب ماتذكر ابجمعة وسبتاك
عرفتك ماتمر بية وسبتاك
اسبك مانفع سبي وسبتاك
اشمسبك اخاف محسوبة علية

بجمع مشغول وي ربعك وحاداك
ويحن البال يم ذكرك وحاداك
عليك يسير حادينه وحاداك
مثل ضعن السبايه مفاركينه

مامشغول انة ابجمعة ولاحد
وغيرك ماسكن بالي ولاحد
ظعني ماسرة ابهجرك ولاحد
يحادي اشلون مامريت بية

هجرك سيف حد بيه وحد باك
مر وشوف كسراتك وحدباك
واحد باعني لشامت وحد باك
وصرت فرهود يل تنشد عليه

متت ماتسئل ابسبعة بربعيني

وشفت البحر بعدك بربعيني
يادنيا ابمايج المالح بربعيني
ميت والغسل واجب الية

خلصت دفنتي وسبعه ودوره
وشوارع عمري هدموها ودوره
مرني بدور اليمثل ودوره
شخص مجهول يتفرج عليه

بعدك وين احط حملي بيادار

دخت والكون احسنة بيادار
انةجم حول بغيابك بي دار
شجاك وما يحن كلبك علية

حملي وياك تنشدني بيا دور
يل مدوخ عكل راسي بيا دور
محطه روحي وتاني بيا دور
قطارك من يريد يفوت بيه

قطاري مايرى شخصك بلادوار
عليك وصار يتفنن بلادوار
بلا كلشي اريدنك بلادوار
هيج اللة وشوفك بين ادية

نشدت الروح ما تندل سكن لاك
يلتهود دليلي الما سكن لاك
مشاعر روحي جم مره سكن لاك
تخضر ريت بعد جفاك اليه

ابوسط روحك يروحي داري بيهة
طفلة ابهيدة اكلك داري بيهة
روحي الميت والحي داري بيهة
شجاك ومادريت اصار بية

ادري البيك والما بيك بي صار
العشك وياك بس عتبان بي صار
شجاك لهجرك تعد ليل بي صار
ولا عديت ليله تعود اليه

وحك المافزعلة امعين ونصار
عليك اشكد سئلت الناس ونصار
اعزف والعزف مكلوب ونصار
اعزف والخلك تبجي علية

وحك الراح والمرني يسلني
فراكك مرض حط بيه يسلني
السيف شما اسلنه يسل ني
انعوج ونعاب من شمات اليه

عمة سيفك يصاحبنة منسل
وجنحي الامس كصيتة منسل
تصدك مات محبوبك منسل
سلني اجفاك يلمبعد علية

I love you

تعال وشوف بعد جفاك حالاي
يصب دمعه اليتيم وصوت حا لاي
علي ثوب الخطيه افصال حالاي
ابدل الثوب لو طريت بيه